Marvin Julian at Ralph Salamat, Handa nang Kumatawan sa Angat sa Panlalawigang Lebel

Matagumpay na kinilala ang dalawang natatanging mag-aaral na magsisilbing opisyal na kinatawan ng Bayan ng Angat sa panlalawigang lebel matapos ang isinagawang Provincial Representative Election - Municipal Level bilang bahagi ng pagdiriwang ng Boys' and Girls' Week 2026.

Ang naturang halalan ay pinangasiwaan upang pumili ng mga kabataang magdadala ng boses, talino, at husay ng mga Angateño sa buong Lalawigan ng Bulacan.

Ipinagmamalaki ng Pamahalaang Bayan at ng Angat Local Youth Development Council (LYDC) ang mga sumusunod na napiling Provincial Representatives:

• Marvin Jared Julian – Angel M. Del Rosario High School

• Ralph Bryan Salamat – Pres. Diosdado P. Macapagal Memorial High School

Ang dalawang napiling lider-kabataan ay inaasahang magpapakita ng natatanging kakayahan sa pamumuno, malasakit sa kapwa, at paninindigan sa paglilingkod-bayan sa darating na mga aktibidad sa antas ng lalawigan.

Nagpaabot ng taos-pusong pasasalamat ang Angat LYDC sa lahat ng pampubliko at pribadong paaralan sa bayan na nakiisa at nagpadala ng kanilang mga mahuhusay na kinatawan.

Binigyang-kilala rin ang mahalagang papel ng mga school heads, guro, at advisers na patuloy na gumagabay sa mga mag-aaral upang maipamalas ang kanilang potensyal sa larangan ng lebel ng pamumuno.

Sa mensahe ng suporta mula sa lokal na pamahalaan, hinimok ang mga bagong kinatawan na dalhin ang dangal ng Angat at magsilbing boses ng kabataang Bulakenyo.