MAO Angat: Magsasaka at Mangingisda, Hinihikayat na ANIHIN Agad at I-secure ang Kabuhayan Laban sa Bagyong Uwan

Naglabas ng mahigpit na babala ang Municipal Agriculture Office (MAO) ng Angat para sa lahat ng mga magsasaka at mangingisda bilang paghahanda sa pagdating ng Bagyong "Uwan." Hinihikayat ang sektor ng agrikultura at pangisdaan na magsagawa ng agarang hakbang upang protektahan ang kanilang kabuhayan at, higit sa lahat, ang kanilang

mga pamilya.

Pangunahing HAKBANG BAGO DUMATING ANG BAGYO

Para sa Magsasaka at Nag-aalaga ng Hayop:

• Proteksiyon sa Hayop: Ilipat agad ang mga

  alagang hayop sa ligtas at mataas na lugar. Maghanda rin ng sapat na pagkain at inumin para sa kanila.

• Paghahanda sa Sakahan: ANIHIN AGAD ang mga hinog na pananim (gulay, prutas, atbp.) bago lumakas ang ulan at hangin. Dapat ding itali o suportahan ang mga halamang madaling matumba at linisin ang mga kanal at paagusan ng tubig.

• Kaligtasan: Ihanda ang emergency kit at patuloy na makinig sa balita at abiso ng

  lokal na pamahalaan.

Para sa Mangingisda:

• Bangka at Kagamitan: Itali nang maayos ang bangka sa ligtas na lugar. Alisin ang mga lambat at pamingwit na maaaring tangayin.

• Palaisdaan: Siguraduhin na maayos at matibay ang mga kulungan ng isda at ligtas ang mga alagang isda.

Mahalagang Paalala Habang May Bagyo

Mahigpit na ipinagbabawal ang pagpalaot habang may bagyo. Pinapayuhan din ang lahat na iwasan ang paglabas sa bukid o pagtawid sa rumaragasang tubig.

Aksyon Pagkatapos ng Bagyo at Dokumentasyon

Para sa mangingisda, suriin muna ang panahon bago bumalik sa dagat at i-check ang bangka bago gamitin muli.

Mahalaga ring kunan ng litrato ang pinsala gamit ang DA Geo Camera App para maging basehan sa PCIC (insurance) o tulong mula sa DA/LGU.

Hinihikayat ang mga apektado na makipag-ugnayan agad sa kanilang Agricultural Technician para sa aktwal na report ng pinsala.