Maligayang Kaarawan, Kapitan Mille "Junjun" Cruz!

Isang mainit, mapagpala, at taos-pusong pagbati sa kaarawan ang inihandog ng buong Sangguniang Barangay ng Sta. Cruz para sa kanilang punong barangay at itinuturing na "Ama ng Barangay" na si Kapitan Mille "Junjun" Cruz.

Sa pamamagitan ng isang opisyal na mensahe, ipinaabot ng mga kagawad, opisyal, at kawani ng barangay ang kanilang malaking pagkilala sa liderato at dedikasyon ng kapitan sa pampublikong paglilingkod.

Pinasalamatan ng Sangguniang Barangay si Kapitan Junjun Cruz para sa kaniyang walang-sawang sakripisyo, malasakit, at patuloy na pag-aabot ng tulong sa mga residenteng nangangailangan.

Binigyang-diin ng pamunuan ang kahalagahan ng kaniyang mga nasimulang proyekto at inisyatibo na patuloy na nagtataguyod sa pag-unlad ng Barangay Sta. Cruz.

Bukod sa pasasalamat, nagpaabot din ng taos-pusong panalangin ang buong barangay para sa kaarawan ng kanilang punong barangay.

Hangad ng buong pamunuan at ng mga mamamayan ng Sta. Cruz na ang kapitan at ang kaniyang pamilya ay patuloy na biyayaan sa mabuting kalagayan, ilayo sa anumang kapahamakan, at lagging gabayan ng Poong Maykapal sa kaniyang patuloy na pagpapatakbo sa lokal na pamahalaan.