Maligayang Kaarawan Cong. Ador Pleyto!

Isang mainit at taos-pusong pagbati ang ipinaabot ni Mayor Reynante "Jowar" S. Bautista para sa kaarawan ng kinatawan ng Ikaanim na Distrito ng Bulacan, Cong. Ador Pleyto.

Sa isang pahayag, kinilala ni Mayor Jowar ang malaking kontribusyon at walang sawang suporta ni Cong. Pleyto sa Bayan ng Angat. Ayon sa Punong Bayan, ang dedikasyon at malasakit ng Kongresista ay nagsilbing susi sa pagsasakatuparan ng maraming proyekto, oportunidad, at pag-unlad na direkta nang nararamdaman ng mga Angateño.

Bukod sa pasasalamat, nagpaabot din ng panalangin ang lokal na pamahalaan para sa mabuting kalusugan, lakas, at karunungan ng Kongresista.