Local Recruitment Activity para sa Line Cook at Kitchen Staff, sa August 26 na

Naglabas ng anunsyo ang Public Employment Service Office (PESO) ng Angat ukol sa isinasagawang Local Recruitment Activity (LRA) katuwang ang River and Roast Cafe para sa agarang pagkuha ng mga bagong kawani.

Gaganapin ang hiring activity sa Miyerkules, Agosto 26, 2026, simula 11:00 ng umaga sa River and Roast Cafe na matatagpuan sa tapat ng Bagong Pamahalaang Bayan sa Barangay San Roque, Angat, Bulacan.

Binuksan ang recruitment para sa posisyong Line Cook o Kitchen Staff (Lalaki o Babae) kung saan hinikayat na mag-apply kahit ang mga walang karanasan sa pormal na pagluluto o culinary degree, basta't may pagmamahal sa pagluluto, magandang saloobin, at disiplina sa pagtatrabaho.

Bago pumunta sa lokasyon, inaatasan ang mga aplikante na magparehistro muna online sa inilaang link at magdala ng updated resume at sariling itim na bolpen.

Ang mga matatanggap ay magiging responsable sa paghahanda ng mga sangkap, pagluluto ng pagkain ayon sa standard recipe, at pagpapanatili ng kalinisan at food safety sa kusina.