Local Recruitment Activity ng River and Roast Cafe, Kasalukuyang Isinasagawa

Kasalukuyang Isinasagawa ngayon Agosto 26, 2026, ang Local Recruitment Activity (LRA) ng River and Roast Cafe katuwang ang Public Employment Service Office (PESO) ng Angat.

Ang aktibidad ay nagsimula ng 11:00 ng umaga sa mismong puwesto ng River and Roast Cafe sa Barangay San Roque, Angat, Bulacan.

Layunin ng naturang hiring event na magbigay ng mabilisang oportunidad sa trabaho para sa mga residenteng Angateño at matulungan ang lokal na negosyo na makahanap ng mga karagdagang kawani.

Nagsisilbing tulay ang PESO Angat sa pag-oorganisa ng nasabing recruitment upang masiguro ang maayos na proseso ng pagtanggap ng mga aplikante mula sa bayan.