Lingguhang Flag Ceremony, Pinangunahan ng Sangguniang Bayan ng Angat

ANGAT, Bulacan — Pinangunahan ng mga kasapi ng Sangguniang Bayan ng Angat ang lingguhang pagtataas ng watawat nitong Lunes sa harap ng Angat Municipal Hall.

Matapos ang flag ceremony, idinaos ang banal na misa sa pangunguna ni Rev. Mons. Manuel Villaroman bilang bahagi ng regular na programa ng Pamahalaang Bayan upang palakasin hindi lamang ang diwa ng serbisyo publiko kundi pati ang ugnayang espiritwal ng mga kawani.

Dumalo sa aktibidad sina Punong Bayan Reynante S. Bautista, Pangalawang Punong Bayan Arvin Agustin, mga Konsehal JP Solis, Wowie Santiago, at Blem Cruz, kasama ang mga kinatawan mula sa Angat Police Station (PNP), Bureau of Fire Protection (BFP), mga pinuno ng iba’t ibang tanggapan, at lahat ng kawani ng Pamahalaang Bayan ng Angat.

Ang lingguhang flag ceremony at misa ay bahagi ng patuloy na inisyatiba ng lokal na pamahalaan upang mapanatili ang disiplina, pagkakaisa, at malasakit sa serbisyo publiko sa hanay ng mga empleyado ng munisipyo.