Kampanya ng PNP Angat Laban sa Pagsuporta sa Terorismo

Upang patuloy na mapangalagaan ang kapayapaan at seguridad ng bayan laban sa mga gawaing may kinalaman sa terorismo, nagpalabas ng mahalagang paalala ang PNP Angat ukol sa mga probisyon at parusa sa ilalim ng Republic Act No. 10168, na kilala rin bilang Terrorism Financing Prevention and Suppression Act of 2012.

Partikular na binigyang-diin ng himpilan ang Section 4 ng batas na nagtatakda ng mga parusa para sa mga indibidwal o grupo na direktang o hindi direktang nagbibigay o nangangalap ng pondo para sa mga teroristang gawain.

Ayon sa batas, ang sinumang mapatunayang nagkasala sa paggawa, pagtatangka, o pakikipagsabwatan sa pagpopondo ng terorismo ay maaaring maharap sa mga sumusunod na kaparusahan:

• Pagkakakulong: Ang paglabag ay maaaring magresulta sa reclusion perpetua o matagal na pagkakakulong, depende sa bigat ng krimen.

• Mabigat na Multa: Maaaring patawan ang nagkasala ng multang nagkakahalaga mula PHP 500,000 hanggang PHP 1,000,000, o higit pa batay sa halaga ng pondong sangkot.

• Pag-aalis ng Ari-arian: Ang mga ari-arian, pondo, o kagamitan na ginamit o inilaan para sa pagpopondo ng terorismo ay maaaring i-forfeit o kumpiskahin ng pamahalaan.

Hinihikayat ng Angat Municipal Police Station (MPS) ang publiko na maging maingat sa mga transaksyon at agad na i-report sa mga awtoridad ang mga kahina-hinalang aktibidad.