Kalusugan ng Angatenyo, Binigyang-Priyoridad sa Ginanap na Local Health Board Meeting

Upang masiguro ang de-kalidad at mabilis na serbisyong medikal para sa buong bayan, matagumpay na idinaos ng Angat Rural Health Unit (RHU) ang Local Health Board (LHB) Meeting ngayong ika-26 ng Pebrero, 2026.

Ang mahalagang pagpupulong ay ginanap sa Conference Room ng New Municipal Building sa Brgy. San Roque. Pinangunahan ito ng mga lokal na opisyal katuwang ang mga pinuno ng RHU, mga health sector representatives, at iba pang miyembro ng lupon upang balangkasin ang mga estratehiya para sa kalusugan ng mga mamamayan.