KAHANDAAN SA SONA 2026: Angat MPS, Nagsagawa ng Security Dialogue at Personnel Accounting

Upang tiyakin ang buong kahandaan at seguridad ng bayan bago, habang, at matapos ang State of the Nation Address (SONA) 2026, matagumpay na nagsagawa ng isang Security Dialogue at Daily Personnel Accounting ang Angat Municipal Police Station (MPS) ngayong Hulyo 25, 2026.

Nagsimula ang aktibidad dakong 7:45 ng umaga sa himpilan ng Angat MPS sa Barangay San Roque. Ito ay pinangunahan ni PCPT Mirari S. Cruz, Duty Officer, sa ilalim ng direktang pangangasiwa ni PMAJ Joel M. Alba, Acting Chief of Police (ACOP).

Binigyang-diin ng pamunuan ng Angat MPS na ang mataas na antas ng disiplina at kahandaan ng kapulisan ay susi upang maging payapa ang buong bayan sa gitna ng mahahalagang pambansang kaganapan.

Muling tinitiyak ng Angat MPS sa mamamayan na mananatiling nakatutok ang kanilang hanay sa pagpapanatili ng kaayusan, habang patuloy na nanawagan sa publiko na maging alerto at makipagbalitaan sa pulisya para sa anumang hindi pangkaraniwang kaganapan.