Kababaihan ng PNP Angat, Naki-indak sa Zumba

Bilang bahagi ng makulay na pagdiriwang ng 2026 National Women’s Month, nagpamalas ng sigla at lakas ang mga female personnel ng Angat Municipal Police Station (MPS) sa isinagawang Zumba Activity nitong ika-11 ng Marso, 2026.

Ang aktibidad ay idinaos sa tapat ng New Angat Municipal Building sa Brgy. San Roque dakong alas-5:00 ng hapon. Sa ilalim ng pamumuno ni PMAJ Joel M. Alba, Acting Chief of Police, nakiisa ang mga kababaihang kawani ng kapulisan sa nasabing ehersisyo upang itaguyod ang malusog na pamumuhay at pagkakaisa sa gitna ng selebrasyon para sa mga kababaihan.

Layunin ng programang ito na bigyang-pugay ang mahalagang papel ng mga kababaihan sa serbisyo-publiko at ipakita na ang mga modernong Pilipina ay hindi lamang matapang sa tungkulin, kundi aktibo rin sa pangangalaga ng kanilang kalusugan. Sa bawat indayog at galaw, ipinamalas ng mga kalahok ang kagalakan at determinasyon na sumasalamin sa tema ng Women's Month ngayong taon.

Ayon sa PNP Angat, ang pagtitipong ito ay nagsilbi ring pagkakataon upang mas mapatibay ang samahan ng mga kawani at ang kanilang ugnayan sa komunidad. Ang pagdiriwang sa labas ng munisipyo ay simbolo ng pagiging bukas at malapit ng kapulisan sa mga mamamayang kanilang pinaglilingkuran.