Hairdressing Skills Training, Ginanap sa Angat

Nagpakita ng buong suporta ang ating Punong Bayan Reynante S. Bautista at Kon. William Vergel De Dios, kasama ang OIC PESO Manager na si Daizerina Pascual, para sa 22 mag-aaral na nagtapos sa limang-araw na Hairdressing Skills Training na nagsimula noong Pebrero 26. Sa ilalim ng gabay ni Ms. Angelita L. Mungcal, ang mga mag-aaral ay higit pang pinalawak ang kanilang kaalaman at kasanayan sa larangan ng rebonding, haircut, at hair treatment.

Ang naturang pagsasanay ay nagdulot hindi lamang ng kahusayan sa kanilang larangan kundi pati na rin ng sapat na kumpiyansa sa kanilang mga kakayahan. Bilang pasasalamat sa kanilang matagumpay na pagtatapos, ipinagkaloob din sa kanila ang kanilang mga pangunahing kagamitan sa hairdressing, na nagpapakita ng pagpapahalaga ng lokal na pamahalaan sa kanilang tagumpay at pag-unlad.