Homecity, Magdaraos ng Local Recruitment Activity

Magsasagawa ng isang Local Recruitment Activity (LRA) ang kumpanyang Homecity para sa bakanteng posisyong Human Resources Administration.

Gaganapin ang nasabing aktibidad sa darating na Oktubre 26, 2026, sa ganap na ika-9:00 ng umaga na idaraos mismo sa sangay ng Homecity sa Barangay Sta. Cruz, Angat, Bulacan.

Bukas ang aplikasyon para sa mga nakapagtapos ng Bachelor’s Degree sa Psychology, Human Resources, Business Administration, o alinmang kaugnay na kurso. 

Tinatanggap sa posisyon ang mga aplikanteng may karanasan man o mga fresh graduates na wala pang nakaraang karanasan sa trabaho, basta't may batayang kaalaman sa paggamit ng mga Microsoft Office applications tulad ng Word, Excel, at PowerPoint.

Para sa mga nagnanais lumahok sa rekrutment, kinakailangang magpatala muna sa opisyal na online registration form sa link na [https://forms.gle/LXV3NFhaQZsgF9sS7](https://forms.gle/LXV3NFhaQZsgF9sS7) at kumuha ng screenshot ng patunay ng rehistrasyon. Ang nasabing screenshot kasama ang na-update na resume ang ipipresenta ng aplikante sa araw ng panayam sa Homecity.