Foot Patrol at Police Presence, Isinagawa ng Angat MPS sa Barangay San Roque

Upang masiguro ang kaayusan at kaligtasan ng pamayanan sa mga madaling-araw, naglunsad ng Foot Patrol at Police Presence ang mga tauhan ng Angat Municipal Police Station (MPS) sa tapat ng 7-Eleven sa Barangay San Roque ngayong Hulyo 28, 2026, simula ika-4:12 ng madaling-araw.

Isinagawa ang naturang operasyon sa ilalim ng direktang pangangasiwa ni Police Major Joel M. Alba, Acting Chief of Police (ACOP) ng Angat MPS, sa ilalim ng Bulacan Police Provincial Office (PPO).

Ayon sa pamunuan ng Angat MPS, ang pagpapatrolya at pagpopost ng mga tauhan sa mga kritikal na oras at matataong pasilidad tulad ng convenience stores ay mahalagang hakbangin para sa pampublikong seguridad.

Binigyang-diin ng Angat MPS na ang kanilang walang humpay na pagbabantay—araw man o madaling-araw—ay bahagi ng patuloy na adbokasiya na mapanatiling ligtas, payapa, at maayos ang buong bayan ng Angat.