Flag Raising Ceremony, Pinangunahan ng Sangguniang Bayan

Muling nagtipon-tipon ang mga opisyal at kawani ng Pamahalaang Bayan ng Angat para sa lingguhang Flag Raising Ceremony, isang mahalagang tradisyon na naglalayong pag-alabin ang diwa ng pagkamakabayan at dedikasyon sa tungkulin.

Ang aktibidad ngayong linggo ay pinangunahan ng mga miyembro ng Sangguniang Bayan, sa ilalim ng suporta ni Punong Bayan Igg. Reynante S. Bautista.

Nakiisa sa nasabing seremonya ang PNP, BFP, mga kawani at pinuno ng Pamahalaang Bayan upang ipakita ang matibay na ugnayan ng iba’t ibang sangay ng lokal na gobyerno.

Ayon sa pamunuan, ang lingguhang pagtataas ng watawat ay hindi lamang isang pormalidad. Ito ay nagsisilbing pagkakataon upang muling sariwain ng bawat isa ang kanilang gampanin bilang mga Lingkod Bayan. Layunin nito na paigtingin ang disiplina at sigasig sa paghahatid ng tapat, mabilis, at nararapat na serbisyo publiko para sa lahat ng mga Angatenyo.

Sa bawat pagpupugay sa watawat, muling pinagtitibay ng Pamahalaang Bayan ang pangako nito na maglingkod nang may integridad at malasakit sa bawat mamamayan.