Engr. Larry Sarmiento, Nagdiwang ng Ika-64 na Kaarawan

Punong-puno ng pagkilala at pasasalamat ang buong Pamilihang Bayan ng Angat sa pagdiriwang ng ika-64 na kaarawan ng kanilang katuwang at pinuno, ang Market Administrator na si Engr. Larry Sarmiento.

Hindi biro ang tungkuling ginagampanan ni Engr. Sarmiento. Siya ang nasa likod ng maayos na operasyon ng pamilihan na kinabibilangan ng 235 stall owners, bukod pa sa mga araw-araw na vendors sa labas at ang sikat na Sunday Tiangge.

Sa kabila ng bigat ng responsibilidad, maayos niyang napapamunuan ang lahat nang may kasipagang walang katulad. Ayon sa mga kawani at manininda, ang kanyang pamumuno ay may "puso at pagmamahal," kung saan laging prayoridad ang kapakanan ng mga sektor na kanyang pinaglilingkuran.

Bukod sa kanyang tungkulin sa munisipyo, aktibo rin si Engr. Sarmiento sa gawaing espirituwal bilang isang ganap na Lay Minister sa kanilang simbahan. Ang kanyang paglilingkod nang walang hinihintay na kapalit ay nagsisilbing inspirasyon sa marami na tularan ang kanyang ehemplo.

Ang buong bayan ng Angat ay nakikiisa sa pagbati ng isang mabiyaya at masayang kaarawan para sa nag-iisang Market Master na tunay na ikinararangal ng bawat Angateño.