Edukasyon para sa Kalusugan ng Kabataan, Itinaguyod ng LGU Angat sa Angel M. del Rosario NHS

Matagumpay na isinagawa ang SHAPE-A (Sexually Healthy and Personally Empowered Adolescent) Symposium nitong Oktubre 16, 2026, sa ganap na ika-1:30 ng hapon sa Angel M. del Rosario National High School sa Barangay Pulong Yantok, Angat, Bulacan.

Ang programa ay bahagi ng Adolescent Health Development Program ng Municipal Population Development Office, katuwang ang Municipal Health Office at ang Philippine National Police.

Dinaluhan ng mga mag-aaral sa Grade 10 ang ginanap na talakayan na nakatuon sa pagbibigay ng gabay at wastong kaalaman ukol sa Anti-Bullying and Safe Spaces Act, pangangalaga sa Mental Health, at mga hakbang sa pag-iwas sa Teenage Pregnancy.

Ayon sa lokal na pamahalaan at Angat RHU, ang mga ganitong serye ng simposyum sa mga pampublikong paaralan ay naglalayong patuloy na protektahan, gabayan, at paunlarin ang kapakanan ng mga kabataang Angatenyo.