Eco Awareness Advocate Award: MENRO Angat, Kinilala sa Lalawigan ng Bulacan

Kinilala ang Municipal Environment and Natural Resources Office (MENRO) Angat bilang isa sa mga natatanging tagapagtaguyod ng eco-awareness sa Lalawigan ng Bulacan.

Ang pagkilala ay iginawad sa isinagawang 4th Quarter Provincial Solid Waste Management Board (PSWMB) Meeting noong Nobyembre 27, 2025.

Napabilang ang Bayan ng Angat sa limang bayan na tumanggap ng Eco Awareness Advocate Award. Ito ay pagkilala sa mga inisyatiba ng MENRO na nagpapatibay ng:

• Tamang solid waste management.

• Pagpapalawak ng kaalaman sa pangangalaga ng kalikasan (environmental education).

• Aktibong pakikilahok ng komunidad sa mga programang pangkapaligiran.

Ang parangal na ito ay patunay ng masipag at tuloy-tuloy na pagpapatupad ng MENRO Angat ng mga programang nakatuon sa waste reduction at pagpapaigting ng malasakit sa kalikasan, na nagdudulot ng positibong epekto sa bawat barangay.

Muling pinatutunayan ng Angat na ang sama-samang pagkilos para sa kalikasan ang susi sa pagkamit ng mas malinis at mas maunlad na bayan.