Earthquake Drill, Isinagawa sa Antonio C. Cruz Elementary School

Nakiisa ang Bayan ng Angat sa isinagawang 4th Quarter Nationwide Simultaneous Earthquake Drill (NSED) noong Nobyembre 6, 2025.

Partikular na isinagawa ang drill sa Antonio C. Cruz Elementary School, kung saan pinamunuan ng Municipal Disaster Risk Reduction and Management Office (MDRRMO) ang buong pagsasanay. Layunin ng aktibidad na matukoy ang mga lugar na nangangailangan pa ng pagtutuon-pansin sa mga pamamaraan ng paghahanda.

Naging maayos ang daloy ng earthquake drill, kung saan aktibong nakilahok ang mga mag-aaral at mga guro.

Iba Pang Aktibidad at Layunin

Bukod sa drill, nagsagawa rin ang MDRRMO ng Information Education Campaign (IEC) patungkol sa mga kalamidad. Ilan sa mga bata ang nakatanggap ng First Aid kit bilang bahagi ng edukasyon.

Ayon sa MDRRMO, ang pagsasagawa ng earthquake drill ay hindi lamang ginagawa dahil ito ay mandato. Ginagawa ito upang matiyak na lahat ng sektor sa Bayan ng Angat ay kaisa sa paghahanda sa sakuna.