COMELEC, Nakamit ang ISO/IEC 27001:2022 Certification; Tiniyak ang Mas Mataas na Antas ng Seguridad sa Data ng Halalan

Isang malaking hakbang para sa integridad ng halalan sa bansa nang opisyal na makamit ng Commission on Elections (COMELEC) ang ISO/IEC 27001:2022 certification matapos ang isinagawang audit noong ika-13 hanggang 16 ng Abril, 2026.

Ang prestihiyosong sertipikasyong ito ay iginawad sa mga pangunahing tanggapan ng komisyon, kabilang ang Office of the Chairman, Office of the Executive Director, Information Technology Department (ITD), at ang Office for Overseas Voting (OFOV).

Ang ISO/IEC 27001:2022 ay isang pandaigdigang pamantayan para sa Information Security Management Systems (ISMS). Ang pagkamit nito ay nangangahulugang ang COMELEC ay sumusunod na sa mga international best practices pagdating sa:

• Cybersecurity: Pagprotekta sa mga digital system at data laban sa banta ng cyber-attacks at data breaches.

• Data Privacy: Pagsiguro na ang impormasyon ng bawat botante, kabilang ang mga overseas voters, ay ligtas at kompidensyal.

• Risk Management: Systematic na pagtukoy at pagtugon sa mga posibleng risko sa sistema ng impormasyon.

Para sa mga mamamayan ng Angat at sa buong bansa, ang tagumpay na ito ay nagbibigay ng karagdagang kumpiyansa na ang sistemang gagamitin sa mga susunod na eleksyon ay dumaan sa mahigpit na pagsusuri at nakabase sa global standards.