Clean-Up Drive sa Pulong Yantok, Isinagawa Ngayong Valentine's Day

Sa gitna ng pagdiriwang ng Araw ng mga Puso, isang kakaibang uri ng pagmamahal ang ipinamalas ng Sangguniang Barangay ng Pulong Yantok sa pamamagitan ng kanilang Weekly Clean-Up Drive ngayong Sabado, ika-14 ng Pebrero, 2026.

Pinangunahan ng mga opisyales ng barangay, kasama ang mga masisipag na barangay workers at volunteers, ang paglilinis sa mga pangunahing kalsada at daluyan ng tubig sa iba't ibang purok. Layunin ng aktibidad na ito na mapanatiling malinis, maayos, at malayo sa anumang sakit ang buong komunidad.

Bagaman kasabay ng Valentine’s Day, hindi naging hadlang ang okasyon upang ituloy ang nakasanayang gawaing pangkalikasan. Binigyang-diin ng Sangguniang Barangay na ang tunay na pagmamahal sa kabarangay ay nagsisimula sa pagtitiyak na ligtas at malinis ang kapaligirang kanilang ginagalawan.