Career Development Support Program ng PESO Angat, Idinaos sa Pres. Diosdado P. Macapagal Memorial High School

Isinagawa ng Public Employment Service Office (PESO Angat) ang morning session ng Career Development Support Program (CDSP) para sa mga mag-aaral ng Grade 10 at namahagi ng Information, Education, and Communication (IEC) materials sa Grade 12 sa Pres. Diosdado P. Macapagal Memorial High School sa Barangay Sta. Cruz, Angat, Bulacan.

Sa patuloy na suporta ni Mayor Reynante "Jowar" S. Bautista, naitampok bilang resource speaker si Mr. Peter Jaimond B. Matulac mula sa Department of Labor and Employment (DOLE) upang magkaloob ng gabay sa mga estudyante:

• Grade 10: Nagkaroon ng talakayan ukol sa Labor Market Information (LMI) at Youth Employability upang matulungan silang pumili ng tamang Senior High School track batay sa pangangailangan ng industriya.

• Grade 12: Pinagkalooban ng mga estratehikong IEC materials bilang paghahanda sa kanilang pagpapatuloy sa kolehiyo o pagpasok sa mundo ng paggawa.

Nagpaabot ng pasasalamat ang PESO Angat sa pamunuan ng paaralan sa pamumuno nina School Principal Dr. Virginia S. San Gabriel at Assistant School Principal Ronald Gabriel.

Pinasalamatan din ang suporta ni DOLE Bulacan Chief Jose Roberto L. Navata at ang aktibong partisipasyon ng mga mag-aaral na naging susi sa tagumpay ng programa.