Brgy. Sulucan, Nagdaos ng Weekly Clean-Up sa Purok ng Tubao 1

Bilang bahagi ng patuloy na adbokasiya para sa isang malinis at maayos na kapaligiran, isinagawa ng Barangay Sulucan ang kanilang Weekly Clean-Up Drive sa Purok ng Tubao 1 noong Sabado, Disyembre 20, 2025.

Ang aktibidad ay dinaluhan ng mga opisyal ng barangay at mga boluntaryong residente na nagtulung-tulong sa paglilinis ng mga kalsada at drainage sa nasabing purok. Layunin ng lingguhang aktibidad na ito na masiguro ang kalinisan ng komunidad at maiwasan ang anumang sakit, lalo na ngayong panahon ng kapaskuhan. Nagpaabot naman ng pasasalamat ang pamunuan ng barangay sa lahat ng nakiisa sa nasabing bayanihan.