Brgy. Pulong Yantok, Tumanggap ng Bagong Garbage Truck mula sa Pamahalaang Bayan

Isang malaking hakbang tungo sa mas malinis at maayos na komunidad ang tinanggap ng Barangay Pulong Yantok matapos pagkalooban ng bagong garbage truck ng Pamahalaang Bayan.

Ang nasabing kagamitan ay pormal na ipinagkaloob sa pamamagitan ng suporta ni Mayor Reynante “Jowar” Bautista. Layunin ng proyektong ito na mas mapabilis at mapaganda ang sistema ng koleksyon ng basura sa loob ng barangay upang matiyak ang kalusugan at kagalingan ng mga residente.

Lubos ang pasasalamat ng pamunuan ng Barangay Pulong Yantok at ng buong komunidad kay Mayor Jowar Bautista sa mahalagang tulong na ito. Ang pagkakaroon ng sariling truck para sa basura ay malaking ginhawa para sa pagpapanatili ng kaayusan sa bawat kalye at purok.