Brgy. Marungko, Todo-Linis para sa Mas Ligtas at Malinis na Komunidad

Upang masiguro ang isang malinis at maaliwalas na kapaligiran para sa lahat, matagumpay na idinaos ng Barangay Marungko ang kanilang Kalinisan Day nitong ika-4 ng Abril, 2026.

Sa pangunguna ng Sangguniang Barangay at sa pakikipagtulungan ng mga residente, nilinis ang mga pangunahing kalsada, pampublikong pasilidad, at mga daluyan ng tubig sa paligid ng barangay. Ang aktibidad na ito ay bahagi ng patuloy na kampanya ng lokal na pamahalaan na itaguyod ang sanitasyon at pigilan ang pagdami ng mga peste at sakit ngayong panahon ng tag-init.