Biktima ng Pagkalunod, Narekober na

Opisyal nang tinapos ng Angat MDRRMO Rescue ang kanilang Search and Retrieval Operation ngayong araw, ika-26 ng Disyembre, matapos matagpuan ang biktima ng pagkalunod.

Pasado alas-10:30 ng umaga nang marekober ang katawan ng biktima na naiulat na nawala noong gabi ng Disyembre 23.

Nagpaabot ng pasasalamat ang pamunuan ng MDRRMO sa dedikasyon ng mga kawani na nagsakripisyo ng kanilang bakasyon sa Pasko upang makatulong. Kinilala rin ang mahalagang tulong ni G. John Edward Valle mula sa Barangay Laog na nagpahiram ng kanyang bangka para masuyod ang Pugpog Area. Sa pagtatapos ng operasyon, nagpaabot ng taimtim na pakikiramay ang buong departamento sa pamilyang naulila.