Bayanihan sa Sta. Cruz: Lingguhang Clean-Up Drive, Tagumpay na Naisagawa

Sa layuning mapanatili ang kagandahan at kalinisan ng komunidad, matagumpay na isinagawa ng Sangguniang Barangay ng Sta. Cruz ang kanilang Weekly Clean-Up Drive ngayong Sabado, ika-7 ng Pebrero, 2026.

Ang naturang aktibidad ay pinangunahan ng mga opisyales ng barangay kasama ang mga barangay workers at volunteers. Ang inisyatibong ito ay bahagi ng patuloy na programa ng lokal na pamahalaan upang masiguro ang isang ligtas at malusog na kapaligiran para sa lahat ng mga residenteng Angatenyo sa Sta. Cruz.