Barangay Visitation at Dialogue ukol sa SONA 2026 at Crime Prevention, Isinagawa ng Angat MPS sa Barangay Marungko

Angat, Bulacan
Jul 24
1 min read

Upang masiguro ang kapayapaan at kaayusan sa komunidad, naglunsad ng Barangay Visitation at diyalogo ang mga tauhan ng Angat Municipal Police Station (MPS) kasama ang mga opisyal at barangay tanod ng Barangay Marungko nitong Hulyo 23, 2026, simula ika-10:14 ng umaga.

Isinagawa ang naturang talakayan sa ilalim ng direktang pangangasiwa ni Police Major Joel M. Alba, Acting Chief of Police (ACOP) ng Angat MPS, kasama ang mga tauhan ng Bulacan Police Provincial Office (PPO).

Diyalogo Ukol sa SONA 2026 at Pag-iwas sa Kriminalidad

Naging pangunahing pokus ng pulong ang paghahanda at pagpapanatili ng kaayusan kaugnay ng nalalapit na State of the Nation Address (SONA) 2026, pati na rin ang pagpapalakas ng mga hakbangin sa pag-iwas sa krimen sa lokal na antas.

Binigyang-diin ng Angat MPS na ang patuloy na pagbisita at pakikipag-usap sa mga pinuno ng barangay ay mahalagang pundasyon upang mapanatiling ligtas, maayos, at payapa ang buong bayan ng Angat.

Pinaalalahanan din ng kapulisan ang publiko na manatiling alerto at agad makipag-ugnayan sa mga awtoridad sa oras ng emergency.