Barangay Sulucan Nagpaabot ng Pagkilala sa 36 na Taong Serbisyo ni LLN Leonila S. Najera

Pinarangalan ng Barangay Sulucan si Local Level Nutritionist (LLN) Leonila S. Najera sa pamamagitan ng paggawad ng Service Award kasabay ng pagdiriwang ng Nutrition Month.

Ipinagkaloob ang nasabing Gawad Pagkilala bilang pagpupugay sa kaniyang 36 na taong walang humpay at tapat na paglilingkod sa larangan ng nutrisyon at kalusugan ng komunidad.

Binigyang-diin ng pamunuan ng barangay ang mahalagang kontribusyon ni Najera sa pag-aalaga at pagpapabuti ng kalusugan ng mga residente, lalo na ng mga bata at ina sa Sulucan.

Nagpaabot ng taos-pusong pasasalamat ang buong barangay sa kaniyang dedikasyon, kasabay ng panalangin na magsilbi siyang inspirasyon sa iba pang kawani upang maglingkod nang buong puso sa mamamayan.