Barangay Donacion, Nakiisa sa ‘Kalinisan Day’ Ngayong Valentine's Day

Ipinamalas ng Barangay Donacion ang kanilang pagmamahal sa kapaligiran sa pamamagitan ng pakikiisa sa “Barangay Kalinisan Day” nitong Sabado, ika-14 ng Pebrero, 2026.

Pinangunahan ng Sangguniang Barangay, kasama ang mga dedikadong kawani ng pamunuan, ang paglilinis sa mga pangunahing bahagi ng komunidad. Ang aktibidad na ito ay naglalayong panatilihing maayos at ligtas ang kapaligiran para sa lahat ng mga residente, kasabay ng pagdiriwang ng Araw ng mga Puso.

Ayon sa pamunuan, ang pakikiisa sa paglilinis ay isang paraan ng pagpapakita ng malasakit sa ating bayan. Muli silang nanawagan sa mga mamamayan na patuloy na pangalagaan ang ating paligid upang mas lalo pang mapaganda ang Barangay Donacion.