Barangay Donacion, Nakiisa sa "Barangay Kalinisan Day" Clean-up Drive

Matagumpay na nakiisa ang Barangay Donacion sa isinagawang "Barangay Kalinisan Day" clean-up drive noong Sabado, ika-29 ng Nobyembre, 2025.

Ang inisyatiba ay pinangunahan ng Sangguniang Barangay, katuwang ang iba pang masisipag na kawani at mga boluntaryo ng barangay.

Layunin ng nasabing paglilinis na pangalagaan ang kapaligiran ng barangay at itaguyod ang kalinisan sa komunidad. Ang pakikiisa ng mga residente at opisyales ay nagpapakita ng pagkakaisa sa pagpapanatili ng kaayusan at kagandahan ng Donacion.

Hinikayat ng Sangguniang Barangay ang lahat ng mamamayan na patuloy na makiisa sa mga ganitong gawain upang mas lalo pang mapaganda ang barangay at kapaligiran.