Barangay Baybay, Muling Nagdaos ng Weekly Clean-Up Drive sa Sitio Bagong Silang

Bilang patunay ng kanilang walang humpay na pagkakaisa para sa kalusugan ng komunidad, muling naglunsad ng Weekly Clean-Up Drive ang Pamahalaang Barangay ng Baybay sa Sitio Bagong Silang nitong ika-16 ng Mayo, 2026.

Ang pagpapatuloy ng programang ito ay naglalayong masiguro na mapapanatili ang kalinisan ng kapaligiran at tuluyang mapuksa ang mga pinagmumulan ng sakit bago pa man magsimula ang panahon ng mga pag-ulan.

Naging pangunahing pokus sa isinagawang bayanihan ang masusing hinalughog at nilinis ang mga lugar na maaaring pangingitlugan ng mga lamok. Itinaob ang mga botelya, lata, at tinanggal ang mga stagnant water o pondong tubig sa mga gulong at paso. Nilinis din ang mga drainage system at maliliit na kanal upang maiwasan ang pagbabara ng tubig na madalas magdulot ng masamang amoy at peste.  Pinulot ang mga nagkalat na plastik at pinagtabas ang mga ligaw na damo sa gilid ng mga daan upang maging maayos at ligtas tingnan ang buong sitio.

Ayon sa pamunuan ng Barangay Baybay, ang lingguhang aktibidad na ito ay paalala sa bawat mamamayan na ang kalinisan ay isang tuluy-tuloy na responsibilidad. Hindi sapat na minsan lamang maglinis, kundi dapat itong maging bahagi ng araw-araw na pamumuhay ng bawat pamilya.