Bandang Mix Rhythm, Maghahatid ng Live Music sa Angat Food Park

Muling mapupuno ng magandang musika at masayang ambiance ang Angat Food Park 2026 sa gaganaping panibagong serye ng pagtatanghal ng mga lokal na banda ngayong Lunes, Oktubre 19, 2026.

Tampok sa gabing ito ang bandang Mix Rhythm, na nakatakdang maghatid ng kanilang mga tanyag na awitin at pagtatanghal upang magbigay-aliw sa mga mamamayang Angatenyo at mga bisitang kumakain sa Food Park.

Ayon sa Pamahalaang Bayan ng Angat, ang pagtatampok sa mga lokal na banda tulad ng Mix Rhythm ay naglalayong magbigay ng angkop na entablado para sa mga musikerong Angatenyo habang naghahatid ng magandang karanasan at libangan para sa mga pamilya at magkakaibigan.

Inaanyayahan ng lokal na pamahalaan ang buong komunidad na dumalo at suportahan ang lokal na musika habang tumatangkilik sa masasarap na pagkain mula sa mga lokal na negosyante sa bayan.