Angat PNP, Nagsagawa ng Sorpresang Inspeksyon sa mga Bangko at Pawnshop sa Unang Gabi ng 2026

Bilang bahagi ng mas pinalakas na Anti-Criminality Campaign, nagsagawa ng inspeksyon at bisita sa mga establisyimento ang mga tauhan ng Angat Municipal Police Station (MPS) noong gabi ng Enero 1, 2026, bandang alas-11:50 ng gabi.

Ang operasyon ay pinangunahan ni Pat Gil G. Nalupa, Patrol PNCO, sa ilalim ng direktiba ni PCPT Jayson M. Viola, OIC ng Angat MPS. Nakatuon ang naturang inspeksyon sa mga kritikal na negosyo gaya ng mga bangko at pawnshops sa loob ng munisipalidad. Layunin nito na masigurong gumagana ang mga CCTV at alarm systems, gayundin ang pagsusuri sa tibay ng mga kandado at pisikal na seguridad ng mga gusali upang maiwasan ang mga krimen tulad ng pagnanakaw at panloloob (robbery and theft).

Ang aktibidad na ito ay alinsunod sa 7-Focused Agenda ng Chief PNP upang itaguyod ang seguridad at kapayapaan sa komunidad sa pamamagitan ng maagang pag-iwas sa anumang banta ng kriminalidad.