Angat PNP, Nagsagawa ng ‘Police Presence’ sa Sta. Monica Bus Terminal

Upang matiyak ang kaligtasan ng mga mananakay at mapanatili ang kaayusan sa mga pangunahing transport hubs, nagsagawa ng Police Presence ang mga tauhan ng Angat Municipal Police Station (MPS) sa Sta. Monica Bus Terminal, Barangay Santa Cruz, nitong ika-1 ng Abril, 2026.

Sa ilalim ng direktang pangangasiwa ni PMAJ Joel M. Alba, Chief of Police, ang mga operatiba ng himpilan ay itinalaga sa terminal simula alas-8:00 ng umaga. Ang hakbang na ito ay bahagi ng estratehikong pagbabantay ng kapulisan upang mapigilan ang anumang uri ng kriminalidad gaya ng pagnanakaw at pananamantala sa mga pasahero.

Bukod sa pagbabantay, nagsilbi rin itong pagkakataon para sa PNP na makipag-ugnayan sa mga opisyal ng barangay at sa pamunuan ng terminal. Tinalakay sa nasabing aktibidad ang mga sumusunod:

• Crime Prevention: Pagpapatindi ng pagmamasid laban sa mga masasamang loob na nagtatangka sa mga kagamitan ng mga biyahero.

• Police–Community Partnership: Pagpapalakas ng ugnayan sa pagitan ng kapulisan at ng mga lokal na lider para sa mas mabilis na pagtugon sa mga emergency.

• Public Safety and Order: Pagtalakay sa mga paraan kung paano masisiguro ang organisadong daloy ng mga bus at kaligtasan ng mga naghihintay na pasahero.

Ang aktibong presensya ng Angat PNP sa mga istratehikong lugar gaya ng bus terminal ay bahagi ng commitment ng Lokal na Pamahalaan na panatilihing Handa, Ligtas, at Panatag ang bawat Angatenyo sa kanilang paglalakbay.