Angat PNP, Nagsagawa ng Inspection sa Bus Terminal Bilang Paghahanda sa Ligtas Undas 2025

ANGAT, BULACAN — Bilang bahagi ng preparasyon para sa paggunita ng All Saints’ Day at All Souls’ Day, personal na nagsagawa ng inspeksyon si PCPT Jayson M. Viola, Officer-in-Charge ng Angat Municipal Police Station (MPS), sa mga nakatalagang pulis sa Police Assistance Desks (PADs) sa Bus Terminal ng Angat noong Oktubre 31, 2025, bandang 3:30 ng hapon.

Layunin ng inspeksyon na tiyaking ang lahat ng deployed personnel ay:

• Maayos ang kagamitan

• Maingat na na-brief sa kanilang mga tungkulin

• Handang tumugon sa anumang insidente o pangangailangan ng publiko

Bahagi ito ng pinaigting na hakbang ng PNP Ligtas Undas 2025 upang matiyak ang seguridad, kaayusan, at kaligtasan ng mga biyahero at mamamayan ngayong Undas.

Ang inisyatibo ay suportado ng kampanyang “Bagong PNP para sa Bagong Pilipinas: Serbisyong Mabilis, Tapat, at Nararamdaman.”

Patuloy ang panawagan ng Angat PNP sa publiko na maging mapagmatyag at makiisa sa pagpapanatili ng katahimikan ngayong panahon ng paggunita sa mga yumaong mahal sa buhay.