Angat PNP, Nagpatrolya sa Brgy. Marungko para sa Seguridad

Upang masiguro ang tuloy-tuloy na kapayapaan sa pagsisimula ng taon, nagsagawa ng Mobile Patrolling ang mga tauhan ng Angat Municipal Police Station (MPS) sa kahabaan ng mga kalsada sa Brgy. Marungko ngayong alas-10:00 ng umaga, Enero 1, 2026.

Ang operasyon ay pinangunahan ni PCPT Lydio Venigas, Duty OD, sa ilalim ng pamumuno ni PCPT Jayson M. Viola, OIC ng Angat MPS. Ang aktibidad na ito ay naglalayong mapigilan ang anumang uri ng kriminalidad at matiyak ang kaligtasan ng publiko habang ang mga mamamayan ay nagdiriwang ng unang araw ng 2026.