Angat PNP, Nagbahagi ng mga Crime Prevention Tips Laban sa Nakawan

Upang mas mapigilan ang insidente ng nakawan sa mga kabahayan at establisyimento, pormal na naglabas ng mga Crime Prevention Tips ang Angat Municipal Police Station (PNP) para sa kaalaman ng bawat Angatenyo.

Sa ilalim ng direktiba na panatilihing ligtas at payapa ang bayan, binigyang-diin ng PNP ang kahalagahan ng pagiging "proactive" o maagap ng mga mamamayan. Ayon sa Angat PNP, ang seguridad ay hindi lamang responsibilidad ng kapulisan kundi isang pagtutulungan ng bawat residente.

Narito ang ilang mahahalagang hakbang na ibinahagi ng kapulisan:

• Seguridad ng Tahanan: Siguraduhing laging naka-lock ang mga pinto at bintana, lalo na bago matulog o kapag aalis ng bahay. Iwasang mag-iwan ng mga mamahaling gamit sa labas ng bakuran.

• Liwanag sa Gabi: Panatilihing maliwanag ang paligid ng bahay tuwing gabi upang hindi maging tago at madilim ang mga posibleng pasukan ng mga masasamang loob.

• Maging Mapanuri: Huwag mag-atubiling i-report sa pinakamalapit na himpilan ng pulisya ang mga kahina-hinalang tao o aktibidad sa inyong komunidad.

  
  

Ang inisyatibong ito ay bahagi ng mas pinalakas na kampanya ng Lokal na Pamahalaan katuwang ang kapulisan upang masigurong ang bawat pamilya sa Angat ay namumuhay nang Handa, Ligtas, at Panatag.