Angat PNP, Nagbabala Laban sa 'Indiscriminate Firing'; 'Zero Tolerance' Ipatutupad

Mahigpit na binalaan ng Angat Municipal Police Station (MPS), sa ilalim ng pamumuno ni PCPT Jayson M. Viola, OIC, ang publiko at mga may-ari ng baril laban sa iligal na pagpapaputok o indiscriminate firing.

Ang babalang ito ay bahagi ng kampanya ng Philippine National Police (PNP) para sa isang ligtas na selebrasyon. Ayon sa pamunuan ng Angat PNP, ang pagpapaputok ng baril nang walang kaukulang dahilan ay isang malubhang paglabag sa batas na maaaring magdulot ng pinsala sa buhay o ari-arian. Binigyang-diin ng pulisya na ang "stray bullet" o ligaw na bala ay hindi namimili ng biktima at madalas ay nagreresulta sa trahedya. Tiniyak ng Angat MPS na kanilang ipatutupad ang kaukulang parusa, kabilang ang pagkakakulong at pagbawi ng lisensya, sa sinumang mahuhuling lalabag sa batas na ito.