Angat MPS, Siniyasat ang mga Pagawaan ng Paputok

Bilang bahagi ng kampanyang "Ligtas na Pagsalubong sa Bagong Taon," nagsagawa ng inspeksyon ang Angat Municipal Police Station (MPS) sa Tiger Fireworks na matatagpuan sa Brgy. Engkanto, Angat, Bulacan.

Ang operasyon ay pinangunahan mismo ni PCPT Jayson M. Viola, OIC ng Angat MPS, upang matiyak na sumusunod ang naturang pagawaan sa mga pamantayan ng batas.

Layunin ng aktibidad na ito na masigurong walang ilegal o mapanganib na paputok ang ginagawa at ibinebenta sa publiko. Ayon sa kapulisan, ang mahigpit na monitoring na ito ay mahalaga upang maiwasan ang mga sakuna at mapanatili ang kaligtasan ng mga mamamayan ng Angat bago ang pagdiriwang ng Bagong Taon.