Angat MPS, Nanawagan ng Pakikiisa sa Publiko Laban sa Banta ng Terorismo

Sa layuning mapanatili ang kapayapaan at seguridad sa buong bayan, isinagawa ng Angat Municipal Police Station (MPS) ang isang masiglang Anti-Terrorism Awareness Campaign sa iba't ibang sektor ng komunidad ngayong linggo.

Ang aktibidad, na isinagawa sa ilalim ng liderato ni PCPT Jayson M. Viola (OIC), ay naglalayong bigyan ng sapat na kaalaman ang mga mamamayan tungkol sa mga banta ng terorismo at kung paano ito maiiwasan. Binigyang-diin sa nasabing kampanya ang kahalagahan ng pagiging mapagmatyag at ang aktibong pakikilahok ng publiko sa pag-uulat ng mga kahina-hinalang tao o aktibidad sa kanilang lugar.

Bahagi rin ang kampanyang ito ng mas malawak na programa ng Philippine National Police (PNP) upang siguruhing ang mga istratehikong lugar tulad ng mga terminal, pamilihan, at simbahan ay mananatiling ligtas mula sa anumang banta ng karahasan.