Angat MPS, Naglatag ng Monthly Accomplishment Report para sa Enero 2026

Sa ngalan ng transparensya at mahusay na pamamahala, inilabas ng Angat Municipal Police Station (MPS) sa pamamagitan ng kanilang Municipal Police Strategy Management Unit (MPSMU) ang ulat ng mga nagawa para sa buwan ng Enero 2026.

Ang nasabing ulat ay bahagi ng Performance Governance System (PGS) at ng PNP P.A.T.R.O.L. Plan 2030 (Peace and Order Agenda for Transformation and Upholding of the Rule-Of-Law). Layunin nito na maipakita ang naging progreso ng himpilan sa pagpapanatili ng kaayusan, pagsugpo sa krimen, at pagpapatatag ng ugnayan sa komunidad.

Kabilang sa mga binigyang-diin sa ulat ang mga sumusunod na aspeto:

• Operations: Matagumpay na mga operasyon laban sa ilegal na droga, sugal, at paghuli sa mga Wanted Persons.

• Community Relations: Mga aktibidad na naglalayong ilapit ang kapulisan sa mga mamamayan.

• Institutional Transformation: Patuloy na pagpapaunlad sa kakayahan ng mga personnel at pagsasaayos ng mga kagamitan at pasilidad ng himpilan.

Ayon sa Angat MPSMU, ang bawat tagumpay na nakamit sa unang buwan ng taon ay patunay ng dedikasyon ng kapulisan na maging isang highly capable, effective, at credible na puwersa na katuwang ng mga Angateño tungo sa isang mas ligtas na bayan.