PNP Angat, Nagkasa ng Church Visitation at Police Visibility sa Sta. Monica Church

Upang patuloy na matiyak ang kapayapaan sa mga lugar ng pananampalataya, naglunsad ng church visitation at police visibility ang mga tauhan ng Angat Municipal Police Station sa Sta. Monica Church sa Barangay Santa Cruz ngayong Martes, Hunyo 30, 2026, simula ganap na 8:12 ng umaga.

Ang naturang pagbabantay ay isinagawa sa ilalim ng direktang superbisyon ni Police Major (PMAJ) Joel M. Alba, Acting Chief of Police (ACOP) ng Angat MPS, katuwang ang Bulacan Police Provincial Office (PPO).

Pangunahing layunin ng aktibidad na ito na masiguro ang kaligtasan at proteksyon ng mga deboto, kawani ng simbahan, at mga bumibisita sa tuwing may idinaraos na mga banal na misa at iba pang gawaing pangrehihiyon. Ang lantad na presensya ng kapulisan sa paligid ng simbahan ay malaking tulong upang mapanatili ang kaayusan at maitaguyod ang isang ligtas at payapang kapaligiran para sa espirituwal na pagsamba ng komunidad.

PAALALA SA PUBLIKO: Sa mga oras ng kagipitan o emergency, tumawag agad sa 911 — ang Unified Emergency Hotline na bukas 24/7 para sa agarang saklolo at pagresponde ng kapulisan.