Angat MPS, Mas Pinahigpit ang Police Visibility at Patrol Upang Sugpuin ang Motornapping

Bilang bahagi ng kampanya para sa mas ligtas na komunidad, nagsagawa ng intensified police visibility at beat patrol ang mga tauhan ng Angat Municipal Police Station (MPS) ngayong ika-2 ng Enero, 2026, bandang alas-5:30 ng hapon.

Ang operasyon ay pinangunahan ni PCPT Lydio Venigas (Duty OD), sa ilalim ng direktang pangangasiwa ni PCPT Jayson M. Viola (OIC). Bukod sa pagpapatrolya, nagsagawa rin ang mga pulis ng pakikipag-diyalogo sa mga tricycle drivers at mga security guards sa iba't ibang estratehikong lugar sa bayan.

Pangunahing layunin ng aktibidad na ito na magbigay ng babala at tips laban sa motornapping, gayundin ang masiguro na may sapat na presensya ng pulisya sa mga kalsada upang mapigilan ang anumang balak na krimen. Ayon sa pamunuan ng Angat MPS, ang ganitong mga proactive measures ay mahalaga upang mapanatili ang kapayapaan at kaayusan, at matiyak ang kaligtasan ng publiko sa lahat ng oras.