Angat LGU, Nagbigay-Diin sa Karapatang Pantao Ngayong International Human Rights Day

Bilang pakikiisa sa pagdiriwang ng International Human Rights Day ngayong Disyembre 10, naglabas ng pahayag ang Pamahalaang Bayan ng Angat upang pagtibayin ang kahalagahan ng karapatang pantao.

Binigyang-diin ng LGU ang prinsipyo na ang bawat mamamayan—anuman ang edad, kasarian, kakayahan, o pinagmulan—ay may pantay na karapatan at dignidad.

Ayon sa Pamahalaang Bayan, sa Angat ay patuloy nilang isinusulong ang pagkakapantay-pantay, katarungan, paggalang sa karapatang pantao.

Paniwala ng LGU na ang isang bayan ay tunay na umuunlad "kapag ang dignidad at karapatan ng bawat isa ay pinangangalagaan, iginagalang, at pinahahalagahan."