Angat, Bulacan Nagdiwang ng World AIDS Day

Bilang pakikiisa sa pagdiriwang ng World AIDS Day, naglabas ng pahayag ang Pamahalaang Bayan ng Angat na nagbigay-diin sa kahalagahan ng pagharap sa katotohanan hinggil sa Human Immunodeficiency Virus (HIV), edukasyon, at pagtatanggal sa stigma.

Sa kanilang inilabas na paalala, mariing sinabi ng Munisipyo na ang HIV ay hindi dapat maging batayan ng paghuhusga, bagkus ay maging dahilan upang magtulungan ang lahat.

Binigyang-pansin din sa pahayag ang dalawang pangunahing hakbang para sa proteksiyon at pangangalaga:

• Ang tamang kaalaman bilang pinakamabisang proteksiyon.

• Ang maagang pagpapasuri bilang pag-aalaga sa sarili at sa buong komunidad.

  
  

Hinikayat ng lokal na pamahalaan ang mga mamamayan na buwagin ang takot at stigma na kadalasang nakakabit sa HIV, at sa halip ay palitan ito ng pag-unawa at pagkalinga.