Pinangunahan ni Menchie Bollas, ang head ng Municipal Social Welfare and Development Office (MSWDO), ang pamamahagi ng DSWD-Assistance to Individuals in Crisis Situation (AICS) Payout, kasama ang mga Daycare workers ng Angat, sa loob ng Angat Municipal Gymnasium. Dumalo sa nasabing programa ang mga pangunahing opisyal ng bayan, kabilang sina Punong Bayan Reynante S. Bautista, Pangalawang Punong Bayan Arvin L. Agustin, at mga miyembro ng Sangguniang Bayan.
Sa pangunguna ng Pamahalaang Bayan ng Angat, buong pusong ipinaabot ang pasasalamat kay Sen. Joel Villanueva para sa kanyang walang sawang suporta at pagkakaloob ng tulong pinansyal sa 1478 na mamamayan ng Angat. Kinikilala ang kahalagahan ng pagtutulungan sa pagitan ng pamahalaan at ng mga kinatawan ng Senado upang maisakatuparan ang mga proyektong naglalayong mapabuti ang kalagayan ng mga mamamayan ng Angat.
.png)
