MDRRMO Angat, Sumailalim sa 2026 Gawad Kalasag Desk Assessment Validation

Sumailalim ang mga piling miyembro ng Angat Municipal Disaster Risk Reduction and Management Council (MDRRMC) at ang buong departamento ng MDRRMO sa 2026 Gawad Kalasag Desk Assessment Validation na ginanap sa The Capitol Hostel, Lungsod ng Malolos, Bulacan.

Ang aktibidad ay pinangunahan ng MDRRMO Angat katuwang ang Bulacan Provincial Disaster Risk Reduction and Management Office (PDRRMO).

Layunin ng naturang pagtatasa na suriin ang kakayahan, kahandaan, at pamamahala ng pondo ng bayan sa pagharap sa mga kalamidad at emergency.

Pinangunahan ni OIC-Municipal Administrator at MDRRMO Head Carlos R. Rivera Jr. ang pagpapakilala sa mga miyembro ng konseho at DRRM personnel na naging bahagi ng validation. Kabilang sa mga humarap sa pagtatasa sina:

• Leni DG. Enriquez – Municipal Budget Officer

• Lilia P. Villarama – Municipal Accountant

• Mariquita F. Placido – Municipal Treasurer

• Menchie M. Bollas – Municipal Social Welfare and Development Officer

• Ma. Lourdes A. Alborida – LDRRM Officer III

• Maria Lilibeth F. Trinidad – LDRRM Officer II

• Clarence Emmanuel Alba at Gladys Libunao – LDRRM Staff

• Alexies E. Marasigan – CSO Representative (JOWABLE YOUTH)

Nagsilbing mga validators mula sa Office of Civil Defense (OCD) Central Luzon sina Richard Santos, Raymond Garcia, at Charmaine David, kasama si Dannah Melissa G. Manalo mula sa Provincial Social Welfare and Development Office (PSWDO).

Nagpaabot ng pasasalamat ang departamento sa suporta ni Mayor Reynante "Jowar" S. Bautista at sa pakikipagtulungan ng iba't ibang lokal na tanggapan upang maipakita ang kahandaan at tapat na pamamahala sa disaster risk reduction ng Bayan ng Angat.