4Ps Family Development Session (FDS): Pagsasagawa ng Awareness tungkol sa Dengue at Monkeypox

Isinagawa sa Municipal Gymnasium ang Family Development Session (FDS) para sa mga benepisyaryo ng Pantawid Pamilyang Pilipino Program (4Ps) na may layuning bigyang-kaalaman ang mga pamilya tungkol sa mga sakit na Dengue at Monkeypox.

Sa pamamagitan ng programang ito, nais ng Pamahalaang Bayan ng Angat na maipaabot sa mga pamilya ang tamang kaalaman hinggil sa pag-iwas, sintomas, at tamang pag-aalaga para mapanatili ang kalusugan ng bawat miyembro ng pamilya at ng buong komunidad.

Patuloy ang pagsusumikap ng lokal na pamahalaan upang masiguro ang kaligtasan at kapakanan ng mga mamamayan, lalo na sa panahon ng mga banta ng mga nakakahawang sakit.