1,665 Senior Citizen, Nakatanggap ng Local Social Pension (2nd Semester) sa Angat
- Angat, Bulacan
- 2 days ago
- 1 min read
Bilang patuloy na pagkilala at pagpapahalaga sa sektor ng katandaan, matagumpay na naipamahagi ng Pamahalaang Bayan ng Angat ang Local Social Pension Payout (2nd Semester) sa kabuuang 1,665 senior citizens mula sa iba’t ibang barangay.
Ang pamamahagi ng benepisyo ay itinuturing na konkretong hakbang ng lokal na pamahalaan upang iparamdam sa mga senior citizen na sila ay mahalaga at hindi kailanman nakakalimutan.
Upang matiyak ang maayos at mabilis na proseso, hinati ang mga benepisyaryo sa anim (6) na cluster:
Cluster | Mga Barangay |
Cluster 1 | Niugan, Donacion, Paltok |
Cluster 2 | Sulucan, Marungko, Taboc |
Cluster 3 | Sto. Cristo, San Roque, Sta. Cruz |
Cluster 4 | Encanto, Pulong Yantok |
Cluster 5 | Baybay, Banaban, Laog |
Cluster 6 | Binagbag, Sta. Lucia |
Ang programa ay pinangasiwaan ng mga kawani mula sa Municipal Social Welfare and Development Office (MSWDO) sa pamumuno ni Menchie Bollas, katuwang ang Municipal Treasurer’s Office at mga Daycare Workers.
Ang bawat pensyong natanggap ay simbolo ng pagkalinga, paggalang, at pagkilala sa ambag ng mga senior citizen sa paghubog ng Bayan ng Angat.
Comments